Mahika

Gayuma...ito ang naiisip kong paraan

para mapaibig ko ang aking hinahangaan.

Masasabi kong nasa kanya na ang lahat...

lahat ng magagandang katangian.

Batid ko ang panganib na dulot nito,

pero paano naman ang aking puso?

Taglay ang kapangyarihang sa aki'y ipinamana,

ang taong iyon ay mapapasaakin na.

Subalit naalala ko ang paalala ni ina

na hindi solusyon ang gayuma.

Sabi niya pa'y tunay dapat ang pag-ibig 

at hindi iyong nadala lamang ng itim na mahika.

Lumipas ang taon, nagkamabutihan kami ng loob.

Nalaman ko ang kanyang niloloob.

Sa mga oras na iyon, ligaya ang nadarama ko

lalo pa nang hingin niya ang kamay ko.

Lumipas pa ang ilang buwan 

at kami'y naging mag-asawa.

Doon ko napatunayan ang bilin ni ina

na tunay na pag-ibis ang pinakamakapangyarihang mahika.